Приказ на трошоците за новогодишно украсување во Македонија

Posted in Алатки, Избрани, Истражувачко новинарство

ngng

Новогодишното украсување и декоририрање на градовите и општините,  годинава ќе чинат 446 илјади евра. Вакви трошоци оваа година имаат само градот Скопје и 18 други општини. Лани, за украсување за новогодишните празници беа потрошени 36% повеќе, односно 733 илјади евра, но тогаш имало и пет општини повеќе кои имале вакви трошоци.

Градот Скопје и годинава ќе потроши најмногу пари за украсување – 195.122 евра, што е 44% од вкупните трошоци во земјава за оваа намена. Иста сума има потрошено и лани. Деветта година по ред (за колку што постојат расположливи податоци) договорот за украсување се склучува со иста фирма – Линк медиа плус.

Следна, според висината на трошокот за украсување е општина Струмица со 34.449 евра, а потоа следат четири општини кои потрошиле меѓу 20.000 и 30.000 евра, Карпош, Куманово, Радовиш и Тетово.

prvasll

третасл

Во базата на податоци, податоците за Градот Скопје и општините Ѓорче Петров и Радовиш се преземени од известувањата за склучените договори додека, пак, за другите единици на локалната самоупорава податоците се преземени од проценетите вредности од огласите за јавни набавки објавени на Електронскиот систем за јавни набавки.

Оваа база на податоци во отворен формат, како алатка за новинарите, е изработена во рамките на проектот „Истражувачко новинарство за поттикнување реформи“, финансиран од Европската Унија.

Трошоци за новогодишно украсување

 

 

Повеќе

Сите тендери на ДИК за последните парламентарни (2016) и локални избори (2017)

Posted in Алатки, Вести

Според податоците што ги достави Државната изборна комисија до Електронскиот систем за јавни набавки, парламентарните избори 2016 година чинеле 1.241.059 евра, а локалните избори 2017 година – 844.774 евра.

За парламентарните избори се склучени вкупно 21 договор, а за локалните избори се склучени 19 договори. Најголеми договори за парламентарните избори се за транспорт и сместување на членовите на Избирачките одбори (406.504 евра), за изработка и печатење на изборниот материјал (390.244 евра) и за транспорт на изборниот материјал (105.691 евра). Кај локалните избори, трите најголеми договори се за изработка и печатење на изборниот материјал (453.659 евра), за транспорт на изборниот материјал (81.301 евра) и за надградба на софтвер (69.203 евра).

Сите набавки за овие избори се направени преку нетранспарентната постапка – преговарање без објавување на оглас, што ДИК го оправдува со ’итност на набавката‘.

Известувањата за склучените договори за парламентарните избори се доставени со речиси една година задоцнување, наспроти законскиот рок од еден месец од склучување на договорот.

Во насока на поттикнување на натмошни истражувања на овие трошоци, во прилог е база на податоци со сите договори склучени од ДИК за последните праламентарни и локални избори во отворен формат.

Јавни набавки на ДИК за парламентарните избори 2016 и локалните избори 2017

Повеќе

Трансфери на општините до НВО во 2016 година

Posted in Uncategorized @mk, Алатки, Вести, Избрани, Истражувачко новинарство

Infographic.jpg - Copy

Со ова истражување се мапираат карактеристиките на процесот на финансирање на невладините организации од буџетската линија 463, се утврдува нивото на транспарентност и отчетност на општините, се детектираат проблемите и слабостите во процесот и се дефинираат препораки за подобрување на веќе востановените практики.

Со ова истражување, за прв пат во Македонија, на едно место се претставени сумарни и поединечни податоци за средствата доделени од општините на невладините организации, листата на добитниците на проектите, како и транспарентноста на целиот процес од објавувањето оглас до реализацијата на проектите.

Повеќе

Преглед на истражувања на локално ниво

Posted in Алатки, Вести, Избрани, Истражувачко новинарство

mapVisualization

Во прегледот на сите истражувања на локално ниво претставени на мапата на Македонија е овозможено со кликнување на конкретна општина да се добијат истражувањата на Центарот за граѓански комуникации во кои е опфатена самата општина или некоја институција од општината, како и линкови кои ве водат до секое од тие истражувања.

Во прегледот на истражувањата на Центарот за граѓански комуникации на локално ниво се вклучени над 25 истражувања кои се однесуваат на буџетите на општините и уделите на трошоците за плати и капитални инвестиции, финансиските резултати на сите јавни претпријатија, трендот на вработувањата во најголемите јавни претпријатија во земјата, трошоците за јавни набавки, долговите во здравството, квалитетот на животната средина, степенот на здравствена заштита и тн. Во прилог на истражувањата во отворен формат (ексел табела) се дадени сите податоци кои се обезбедени во текот на истражувањата.

Оваа алатка е развиена во насока на поттикнување на новинарите и невладините организации да ги базираат своите истражувања и работа на прецизни податоци кои ќе послужат како основа за натамошно продлабочување на сознанијата и доаѓање до нови информации кои треба да придонесат кон подобро информирање на граѓаните.

За да ја користите мапата кликнете на следниот линк Преглед на сите истражувања на локално ниво.

Оваа алатка е изготвена од Центарот за граѓански комуникации во рамките на проектот „Истражувачко новинарство за поттикнување реформи“ финансиран од Европската Унија. Содржината на податоците е единствена одговорност на Центарот за граѓански комуникации и на никаков начин не може да се смета дека ги одразува гледиштата на Европската Унија.

 

 

Повеќе

Трошоци за зимско одржување во Македонија за сезоната 2016-2017

Posted in Алатки, Вести

winter-maintenance

За ангажирање на механизација за чистење на улиците и патиштата од снег, како и за набавка на индустриска сол и ризла, во зимската сезона 2016-2017 година, државните институции ќе потрошат околу 322 милион денари односно над 5,2 милион евра.

Најмногу пари ќе чини  зимското одржување на регионалните и магистралните патишта за што ЈП Македонија пат ќе потроши 3 милиони евра. Останатите околу 2,2 милиони евра се за чистење на улиците на Градот Скопје и општините.

Приказот на сите 57 тендери за одржување на патиштата и улиците во зимската сезона 2016-2017 година покажува дека во трошоците за оваа намена доминантни се оние за користење на механизација и на работници од приватни фирми (3,7 милиони евра) наспроти трошоците за набавка на индустриска сол и ризла за истурање по патиштата и улиците (1,6 милиони евра). Ова се дополнителни трошоци, покрај оние за редовно буџетско финансирање на работењето на државните и локалните јавни претпријатија чија основна дејност е токму одржувањето на патишта и  улици.

На локално ниво, гледано по општини и градови, Скопје е неприкосновено на врвот и за чистењето на неговите улици Градот и општините имаат склучено 10 договори со приватни фирми во вкупна вредност од 52 милиони денари односно 848 илјади евра. Куманово е следно со договор во вредност од 245 илјади евра. По него се Прилеп со околу 202 илјади евра и Тетово со 130 илјади евра.

По региони, пак, повторно доминира скопскиот регион каде што ќе се потрошат 41% од сите пари за зимско одржување на патиштата. Следува пелагонискиот регион со учество од 17%. Најмалку пари за оваа намена ќе се потрошат во вардарскиот (2%) и во југоисточниот регион (само 0,1%).

Приказ на трошоците за зимско одржување на улиците

prikaz-marko-copy

 

Методолошки пристап

Основа за пресметка на трошоците на институциите за зимско одржување на патишта и улици се податоците добиени од Електронскиот систем за јавни набавки (ЕСЈН). Во истражувањето се опфатени тендерите на сите институции на централно и локално ниво спроведени во текот на 2015 и 2016 година за зимско одржување кое ја опфаќа зимската сезона 2016-2017 година. Предмет на анализа беа 57 постапки за јавна набавка. Притоа за 31 тендери податоците се добиени од известувањата за склучените договори или од евиденцијата на постапките со барање за прибирање на понуди. Додека за 26 тендери податоците се добиени од огласите за јавни набавки и за нив се користи проценета вредност на трошоците за зимско одржување.

Приказ на трошоците за зимско одржување за 2016-2017

Ова истражување е изготвено од Центарот за граѓански комуникации во рамките на проектот „Истражувачко новинарство за поттикнување реформи“ финансиран од Европската Унија. Содржината на истражувањето е единствена одговорност на Центарот за граѓански комуникации и на никаков начин не може да се смета дека ги одразува гледиштата на Европската Унија.

Повеќе

LEGAL leaks toolkit – водич за новинари за пристап до информации од јавен карактер

Posted in Алатки, Избрани

Legal_Leaks_mkОва последно и изменето издание на Прирачникот е наменето за новинари кои работат во кој било медиум – весници, радио и телевизија – како и за блогерите и други професионални информатори на кои, за нивните стории, им е потребен пристап до информациите кои ги поседуваат јавните институции.

Преземете го прирачникот (.pdf)

 

Повеќе